КÆРДÆГХÆССÆН

КÆРДÆГХÆССÆН
Рагон ирон бæрæгбон, фæлæ йæ чырыстон дин парахатгæнджытæ бабастой, Чырысти уæларвмæ куы атахт æмæ ма дæс боны фæстæ йæ ахуыргæнинæгтæм арвæй куы фæзынд, уыцы бон – Æртæ иуоны (Троица) бонимæ. Æмæ йæ бæрæг кæнын райдыдтой Зæрдæвæрæнæй дæс боны фæстæдæр. «Уыцы бонмæ сцæттæ кæнынц, кæмæн цы йæ амал вæййы, уый бæгæны, арахъ, кусæрттаг – уæрыкк кæнæ æндæр исты, – фыссы Къарджиаты Бекызæ. – Æфсинтæ уæливыхтæ скæнынц, кæстæртæ та алы кæрдæджы мыггаг æрбахæссынц хæдзармæ æмæ сæ бæстыхайы къуымты æмæ кæрты байтауынц. Хæдзары хицау арвиты хонæг сыхбæстæм, æмæ йæм æрбацæуынц хуынды. Ас лæгтæ фæкувынц, фæминас кæнынц, алыхуызон зарджытæ фæкæнынц, уый фæстæ та уыцы æмбырдæй æндæр хæдзармæ бацæуынц. Афтæ бонизæрмæ фæрацу-бацу кæнынц хæдзæрттæм. Чындз æрæджы чи æрхаста, уыцы хæдзæртты скæнынц хъазт, æмæ дзы фæсивæд фæкафынц».

Словарь по этнографии и мифологии осетин. 2014.

Игры ⚽ Поможем написать реферат

Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»